sábado, 4 de abril de 2009

Nunc coepi...!




Sescenties, fatebor enim, incipere iam blogum hoc temptavi, mecumque mente milies evolvi quid et quo consilio proposito talia facturus... Nolo enim, care qui sis lector, te insulsis vel peculiaribus nimis rebus sive taedio confici sive stomachari, quas hic exaratas legere audeas. Sed scisne...nemo naturam suam vitare valet, eo quo necesse te indulgere saepius debito esse videtur.


Quae cum ita sint, tandem aliquando amicus quidam forte illud me monuit, ut dum mea exprimere temptabo, colloquia cum sodali quodam institui fingam, qua causa hoc in blogo prorsus nihil aliud nisi rationes disputatas invenies, quae Platonicae Ciceronianaeve nullo modo cum nominari possint, Ansgaricae saltem fieri temptant, quod autem servato noli flocci facere...!

Pergratissime enim care lector advenisti! Utinam pretium operae tuae sit!

4 comentarios:

CaSFidelis dijo...

Ansgari amice, magno gaudio accipio hoc nouum consilium a te nuperrime inceptum, quod sine dubio maximo pretio erit mihi et omnibus quibus reuera usus linguae Latinae cordi est. Vale multum!

Nemo Oudeis dijo...

Non solum coepisti sed bene coepisti, neque est mihi ulla dubitatio quin operae pretium mihi sit et advenisse et identidem redire ut plura tua legam!

Anónimo dijo...

Feliciter! Quotidie nos plures numeramus latino utentes! Equidem te consilio incepto spero tantum gaudium concepturum esse quantum nos omnes. Libentissime te legam.
Reginaldus (http://renaudmercier.blogspot.com)

scribalatinus dijo...

Pergratissime tu, inquam, advenisti! Primam paginam tuam tot immaginibus vocibusque abundantem valde admiratus sum. Rem perge ut facis